الهلال يعبر تفتيش البوليس الكيني بامان

تفوق الهلال السوداني علي البوليس الكيني بهدف دون مقابل حيث احرز هدف المباراة اللاعب المالي اداما كوليبالي في الدقيقة التاسعة عشر بتمريرة عبدالرؤوف روفا الفنان وقام اللاعب اداما بتخطي المدافع بسرعته ووضع الكرة علي يسار الحارس الكيني ليضع الهلال في المقدمة منذا الشوط الاول وبعدها اجتهد لاعبي الفريقين باضافة الاهداف ومن اخطر الفرص كانت فرصة صنداي وكذلك ايبويلا فيما لعب بتروس في هذه المباراة في ثلاث خانات الوسط والباك الايسر وعمق الدفاع وتالق كل من صلاح عادل والحارس فريد

قصة وعبرة

وحده بتحكي قالـــــــت

:

احلي موقف في حياتي كنت جايه من الجامعه وفي ولد قاعد جمبي قال لي معليش بس انا نسيت محفظتي وماشي مشوار مستعجل ممكن تدفعي لي معاك واشيل رقمك احول ليك رصيد وهو ظاهر عليهو ود ناس ومحترم ولابس حلو ونضيف قلت ليهو جدا ماعندك مشكله ومامحتاجه زاتو انك ترسلها لي وانا كان ما معاي غيرها زاتو لانو مواصلات ح تنزلني جمب البيت ودي اخر قروش عندي لي نفر واحد ... طوالي اتصلت ع صحبتي قلت ليها اقيفي لي جمب المحطه ومعاك قروش لمن انزل بدفع للكمساري ... يلا قبل كمساري يطقطق اديت الود القروش في يدو قلت ليهو ادفع براك افضل قال لي تمام ... يلا الكمساري طقطق انا عملت نفسي بفتش في الشنطه الود قام دفع لي نفسو لمن جاء دوري قلت لي الكمساري معليش بس بدفع ليك لمن اصل المحطه قبل ما انزل قال لي تمام الود اتخلع قال لي ليه قلت ليهو لانو ما معاي بس صحبتي واقفه جمب المحطه بشيل منها بدفع حسيت بي قرب يبكي قال لي بجد شكرا وخجل خالص قلت ليهو عادي ياخ الناس للناس ... وسبحان الله صادف انو نازل في نفس المحطه انا نزلت فيها ولقيت صحبتي دفعت ونزلته يلا قال لي شكرا ومشي وانا مشيت تاني يوم لمن جيت طالعه ماشه الجامعه لقيت الود واقف قدام شارعنا منتظرني سايق عربيه توسان حمراء نزل منها سلم علي قال لي اوصلك قلت ليهو لا شكرا حلف علي الا يوصلني بجد خوفته شديد اعتذرت ليهو وحلفت ما اركب ومشيت قام جاء وراي قال لي شيلي الظرف دا مني يا اما تركبي معاي ف قمت شلت الظرف لمن وصلت الجامعه فتحتو لقيت فيهو 5 مليون وكاتب لي ورقه شكرا والناس للناس وكتب لي رقمو اتصلت ليهو انت مجنون قعد يضحك وقفل في وشي لمن جيت البيت المغرب لقيت 3 عربات قدام الباب خشيت لقيتو هو ومعاهو اهلو جو اتقدمو لي وهسي نحن متزوجين وعندنا احلي بنوته اسمها صدفه💛

#ودي احلى صدفة

همت به وهم بهت

لم يكن همه كمها هي همت بفعل الفاحشه وهو همه ان يدفعها عنه والدليل علي ذلك قولها بلسانها " ولقد راودته عن نفسه فاستعصم "

الان_ذا_فارقتها

نصــــف الــروايـــةاننـــي     أحببــتها 

كـــــــل الحــــــكاية    .. انني ادمنتها

..      ..     ..       ..      ..

بـــرح ! الزمـــان يغار من ذاك الهوي  

من بعـــــد ادمان ســــري فارقتـها

الفكــــر يصــرخ عاليا  إشــــتقتها 

ما اَب وجـــــدي مهجتي منز النوي

ما عاد لي ... بل منذ ان سلـــمتها

احببتها ... روحي وقد اسكنتها 

سحقا زماني ها انا  فارقتــــها

هذي الحياة .. مرارة قد زقتــها

هذي كؤوس البؤس قـــــد اُشربتها

لاكنني ما عاد يملي خاطري ضرب الهوي

كل الاحاسيس الجميلة انني اُفقدتها

احببتها والان ذا فارقتها ....