Name:
Number: MTN
Content:
بناءً على توجيه الهيئة القومية للإتصالات حدد سقف تحويل الرصيد اليومي ل1000ج إبتداءً من 1 ديسمبر2018
*
الكلام الفوق ده ان دل علي شي
بيدل علي تفوق شركات الاتصال في جانب تحويل الاموال
علي البنوك في السودان
لكن ليه ؟ الناس بتتجه لتحويل القروش عن طريق الرصيد ؟
- اول البساطه
الموضوع بسيط جدا اقرب محل تحويل رصيد والمرسل اليه عندو شريحة مسجلة لو ما عندو اقرب زول منو
حتي لو بتاع دكان او اتصالات حلتم او منطقتم
والموضوع سلس شديد
- السرعة
مسافة وصول الرصيد للمرسل اليه اسرع من يوسي بولت في سباق تلاتة امتار
- الامان
بتتفاوت نسبتو لكن الامور امنة لدرجة جميلة
- التعامل بين الموزعين
غالبا لو بتعرف زول عندو طبلية او دكان جمبك ممكن يدينك ويديك غرض مناسب جدا لحوجتك ويحل ليك مشكلة
اها الحاجة دي متعارف عليها في المجتمع السوداني.
#هل حتقدر البنوك تعمل حاجة مدهشة تغطي الحاجة العملتة شركات الاتصالات
لو سقف تحويل الرصيد بقي 1000 جنيه زي السحب البنكي
ممكن الناس تتحايل عليهو ايزي شديد
اها البنك حيزيد من سقف السحب والتحويلات
موضوع البنك وتحويلاتو وتعاملاتو جميل وشي مستقبلي وغير كدا اامن جدا
بس كمان لازم البنك يكون الاول في كل شي ع شان الناس ترضي بيهو وتعتبروا الخيار الاول دايما
* بالنسبة للبطاقات المصرفية العالمية
ماستر كارد وفيزا وبايبال دي حتشوف النور بتين
سامع خرابيش عن ويسترن يونيون بس الحاصل شنو ما واضح يا ناس بنك الخرطوم والجهات البتدعمه
وبالتوفيق للجميع في عملية تطوير اقتصادنا
Number: MTN
Content:
بناءً على توجيه الهيئة القومية للإتصالات حدد سقف تحويل الرصيد اليومي ل1000ج إبتداءً من 1 ديسمبر2018
*
الكلام الفوق ده ان دل علي شي
بيدل علي تفوق شركات الاتصال في جانب تحويل الاموال
علي البنوك في السودان
لكن ليه ؟ الناس بتتجه لتحويل القروش عن طريق الرصيد ؟
- اول البساطه
الموضوع بسيط جدا اقرب محل تحويل رصيد والمرسل اليه عندو شريحة مسجلة لو ما عندو اقرب زول منو
حتي لو بتاع دكان او اتصالات حلتم او منطقتم
والموضوع سلس شديد
- السرعة
مسافة وصول الرصيد للمرسل اليه اسرع من يوسي بولت في سباق تلاتة امتار
- الامان
بتتفاوت نسبتو لكن الامور امنة لدرجة جميلة
- التعامل بين الموزعين
غالبا لو بتعرف زول عندو طبلية او دكان جمبك ممكن يدينك ويديك غرض مناسب جدا لحوجتك ويحل ليك مشكلة
اها الحاجة دي متعارف عليها في المجتمع السوداني.
#هل حتقدر البنوك تعمل حاجة مدهشة تغطي الحاجة العملتة شركات الاتصالات
لو سقف تحويل الرصيد بقي 1000 جنيه زي السحب البنكي
ممكن الناس تتحايل عليهو ايزي شديد
اها البنك حيزيد من سقف السحب والتحويلات
موضوع البنك وتحويلاتو وتعاملاتو جميل وشي مستقبلي وغير كدا اامن جدا
بس كمان لازم البنك يكون الاول في كل شي ع شان الناس ترضي بيهو وتعتبروا الخيار الاول دايما
* بالنسبة للبطاقات المصرفية العالمية
ماستر كارد وفيزا وبايبال دي حتشوف النور بتين
سامع خرابيش عن ويسترن يونيون بس الحاصل شنو ما واضح يا ناس بنك الخرطوم والجهات البتدعمه
وبالتوفيق للجميع في عملية تطوير اقتصادنا
