كلام الناس

لاحظ كلمة " أكثر الناس " بالقرآن

ستجد أن أغلب ما بعدها ھو :

"لايعلمون ، لايؤمنون ، لايشكرون ، لا يعقلون"

فلماذا تهتم لكلامهم!

ساعد نفسك وسيب فلسفتك

الوظيفة براها ما بتشيل البيت 

أسندوها بغنماية لبن ، وقفص جداد ، وقفص حمام ، وشجرة ليمون ، ولو الحوش واسع ازرع الخدرة والجرجير والشطة والرجلة ،

وفلهمة السيراميك دي خلوها ضيقت الحوش من الزراعة وعدمت الغنم ،

أمانة عليكم العيشة ما مرقت ؟

من الصباح جارين على دفتر الدكان تشتروا في لبن البدره البيض والتونة والفاصوليا والفول المصري ! وتقولوا العيشة صعبة والدولار مرتفع ! كيف ما يرتفع ونحن شعب مستهلك وغير منتج  فهم بتاع إنتاج أندثر يااخ ، جيرانا المصريين ديل الواحد تلقاهو زارع في البلكونة بياكل من البلكونة بتاعتو ونحنا حووش حدادي مدادي مهمل بدون ما يستفيدو منو ،

والمشكلة الواحد بستصعب الزراعة وبشوفها دايرة زمن وجرجرة وحراسة وبتاع ، بس الموضوع خلاف كده تماما. والمشكلة إننا اقلمنا نفسنا وعودناها علي الحاجة الجاهزة ودي صفه سيئة جداً ، وكان جينا للثروة الحيوانية حدث ولا حرج الناس عاملة فيها راقية وبرستيج ومتابعة المووضه وبتااع هسه بس ابسط حاجة الزول كان عندو جدادتين بس كل يوم ب اربعه بيضات تكفي حوجه الاسرة تماما  ناس البيت تاني بحتاجو يجيبو بيض من الدكان طبعا لا وحيكون بيض صحي ٪100 .. والبيض حينزل الواطه وما في زوول بيشتغل بيه  ، أضرب ليكم مثال بسيط 

الشعب البنغالي ، آي بنغالي عنده مزرعة بالامتار وليس الافدنة كما نمتلك نحن ، الواحد فيهم بزرع (رز) بطلع مونة السنة والباقي ببيعه يتصرف بيه ، وبزرع بطاطس وخضروات وبحفر ليه حفرة في بيته بعملها مزرعة سمك 

من الصباح بشيل شبكته بطلع ليه سمك وبشيل ليه كم بطاطساية والرز عنده في البيت ، اها يومه ما مرق بالمجان ؟ لكن نحن من الصباح جري على دفتر الدكان ندين ونزيد الطين بله .

العيشة ماضيقة لكن مضيقنها نحن ،

ولو ما رجعتو للزراعة سيظل السودان في هذه الحالة وإلي الاسوأ ..

نتمني الناس تخت الكورة وااطة وترجع لي قديمها ..والنسي ل قديموو ضّل

my fanta point in game wk4

خروج الاندية السودانية في الونفدرالية

خرجت الاندية السودانية التي تلعب في بطولة الكونفدرالية الافريقية وهي ناديي الاهلي ود مدني والزمالة ام روابة من الدور الاول في تمهيدي البطولة فبعد ان فاز الاهلي مدني في ارضه علي النجم الساحلي التونسي بهدف خرج مهزوما في الاياب بثلاثية في سوسة بتونس وبعد ان خسر الزمالة مباراة الذهاب بالصومال اما ديكيديها بهدف فاز في الاياب بهدفين مقابل هدف وخرج بافضلية الهدف في ارض الخصم فما رايكم في اداء الاندية السودانية ؟

sudanese clubs out caf

The Sudanese clubs participating in the CAF Confederation Cup — Al-Ahli Wad Madani and Al-Zamala Umm Rawaba — were eliminated from the preliminary round. After Al-Ahli Wad Madani won at home against Tunisia’s Etoile du Sahel with one goal, they lost the return leg 3–0 in Sousse, Tunisia. Meanwhile, Al-Zamala lost the first leg in Somalia to Dekedaha by one goal, then won the return leg 2–1, but were eliminated due to the away goals rule.

So, what do you think about the performance of the Sudanese clubs?

hilal Omdurman to 32 round

Al Hilal of Sudan qualified with difficulty for the second preliminary round of the African Champions League after defeating Juba Buffaloes of South Sudan by one goal to nothing.

اهلي مدني السوداني يهزم النجم الساحلي التونسي

في دوري التمهيدي الاول من بطولة الكونفدرالية الافريقية قام اهلي ود مدني السوداني بهزيمة النجم الساحلي التونسي بهدف مقابل لاشئ حيث احرز الاهلي ود مدني هدف الفوز في الدقيقة 84 من مباراة الذهاب التي اقيمت في تنزانيا وذلك لتردي الاوضاع في السودان وخصوصا منطقة الجزيرة وهي الولايه التي يلعب بها نادي اهلي ود مدني أو سيد الاتيام كما يحلو لعشاق النادي العريق الذي تأسس في 1928 م واحرز هدف المباراة اللاعب خالد سنجة بصناعة المحترف الجزائري عبد الفنان الحريف وبهذا يحرز اهلي مدني أول فوز للاندية السودانية.

التشكيلة الأفضل للهلال السوداني في مواجه جاموس جوبا

*فريد في حراسة المرمي 

+ رباعي دفاع ابويلا والطيب وديوف ولوزولو 

+وسط ملعب صلاح ماديكي بوغبا وامامهم روفا 

+صنداي وكلود في المقدمة 

اداما كوليبالي هل سيلعب في الادوارالاولي من الابطال

سيؤدي الهلال السوداني أول مباراة له في دوري الطال افريقيا العلم 2025/26

والتي ستكون في الاراضي الجنوبية من سوداننا  الحبيب وذلك في يوم الاحد الموافق 21 سبتمبر 2025 في جوابا وتكون البعثة من 24 لاعب من بينهم القائد العائد من الاصابة والمهاجم اداما كوليبالي العائد لصفوف النادي بعد فشل بيعه في الانتقالات السابقة في شهر اغسطس . لكن من المعروف ان اللاعب لم يرفق في الكشف واستبعد من الكشف لكن مع هذا أضيف للبعثة التي غادرت للجنوب فهل قام الهلال السوداني بتعديل الكشف مجددا ام ماذا ومتي سيوضح الاداريون ذلك.

الجن البشري

اها بي كل حماس اتزقلت في المقعد الاخير من الكريز
معاي " هناي وعلان وفلان وفلتقان
وقفلنا ورا وقدام
وونستنا كان جايطة زي سوق الطماطم الساعة ضهر
فجأة عم الهدوء ...
..
فعرفت ان هنالك إنة *ز*
فكشفت امامي**
وقسسسسسسماااااااااااا مزة
يخ ..
!
شفتو الشاعر #ال_بلولة
موش قال:
دقست جنية الوادي وزارتنا
فخمخمت قلبان قلوب حلتنا
__ بس نفس الشي :P
يخ ..
!
الغريبة انو الكريز كلـــــو
شايت محلو
<<
بالنسبة للسواق المركز بالمراية معانا :/
بالغت انت سايق خرفان قايل ! .. :/
كان ما الدنيا سخانة كان بختلف معاك ^^
بعدين شفقان طاير بينا مالك
تطير منك بقرة :/
اسي تان الجن ده نلقاهو وين :/
...
يحفظو الله ..
اسي الجن ده تان نلقاهو وين :/
..... :/
...
جنية تشبه الانسان _ فحواها
وحلاوة الدنيا_ لا_ فن رسماها
سرحت_ بنافزة الغربي ارمقها
وغاب عنا أي شعور _ إلا ها
سكنت _ واولعت الجحيم بنا
وطاب كل عليل عند ملقاها
<3
..
#كسرة
..
اسي الجن ده يلقوهو تان وين ؟؟

من قصة نوح

يلا السفينة جهزت
وربنا عز وجل امر نوح عليه السلام يحمل فيها من كل زوجين اثنين
يلا اول حيوان قالوا ركب السفينة
#الدرة " نوع من انواع الببغاء "
واخر حيوان طلع السفينة #الحمار
يلا والعزاب نازل .. ابليس اتعلق بذيل الحمار
بدأ سيدنا نوح يامر الحمار بركوب السفينة
ولا يقدر الحمار ان ينهض
فقال : له سيدنا نوح ادخل ولو كان ابليس معك
فدخلا السفينة
يلا الواحد حيقول كيف دخل الاسد مع الحيوانات
ربنا ابتلي الاسد بالحمي حتي الحيوانات ما تخاف وتطمئن
كانت اول حمي نزلت الارض
ويقال :
"الاسد يمرض لكن لا يموت "
ما عارف بتتقال لي لكن الاسد ده مجننهم من زمان :P
يلا #الفارة كانت بتخرب الطعام
اها ربنا عز وجل امر الاسد فعطس .. فخرجت الهرة
فاختبأت الفأرة
يلا بالنسبة للاوساخ والغازورات .. ربنا برحمتوا
خلق الخنزير فكان بيتغذي علي الاوساخ ال في السفينة .. عافانا الله
اها النظام كان رائع في السفينة ..
والعذاب كان مهلك خارجها ..
ومن بعد استوائها علي جبل الجودي
بدأت #حياة
......