طلس دولاري

الدولار ف دولة كدا
عامل زي بت اكااالة
ويومي بتشحم
ههههههههههههه
اها فجأأة كدا جاهم عريس
الاخت احترمت روحه
وعملت نظام تخسيس
ونزلت
اها ناس بيته فرحووو
اهله فرحووو
وانا ذااااتي الاهبل
وفجاأة كدا تاااني رجعت
وكمااان اكعب :/
وطلعت وهمة زمنية صغيرة
ف فترة زمنية قصيرة
اها قلنا شنووو
رجعت اكعبب ويومي زايده
يااا اكاااله :(
يااا غشاااشة :)
#وشكرااا 

غزل دولاري

انا فيك محتار !
يااا الريدك هج زي الدولار 

دواخلي

تتقلب اوجادي المعطنة بالشتات
ما بين نفح الامنيات
وبين آه الذكـــريات
غرغرن ارواحي الهزيلة عالقات
فلا دنو رياضها ولا تنائي للفلات
هي هكذا تمضي مضي الهالكات
لا تعلم الافراح اين دروبها؟
هل تجهل الافراح هذي العابسات !
من يخبر الغد اننا عند الممات  ...
تخرجن كل نفوسنا تحيا حياة ,,
تلك الحياة هــــــي الحــــــياة
فهناك تغمس في البها تتاليا
وتستوي افراحهن كما الصلاة
تلك الحياة هــــــي الحــــــياة 

لقمة عيش ؟

الابو جاري الود جاري والمره جارية

في شنو الحصل اتبدل حالنا وبقت الدنيا مسمه وهارية

مين الزعزع سكن الاسرة وخلي قلوبنا مغبنة فايرة

طالب بيمشي المدرسة نايم بين شطين بيجدف عايم

وشافع فاقد اقل حقوقو لقمة وشنطة ومأوي وقايلة

بت مسترجلة حازمة الطرحة  وهم اخوانه الدقدق شايله

هو شنو الحصل واتمرمط دارنا وبقت الحيطة متكلة مايله

بقت احوالنا مرطب فاحش وتاني حياتو مبشتنة طايره

ويبقي شبابنا النقطة العايمة بين الفارغة ووسط الراحة همومم زايله

وتبقي الدولة خسارة  كبيرة كيفن تكسب وداخله بايره

الابو جاري الود جاري والمره جارية

في شنو الحصل اتبدل حالنا وبقت الدنيا مسمه وهارية ??

بيقولو حبشي

حبشي عيبو ليا       ,,,    كلماتكم ما همية
طوال صح تعبان    ,,,,   بي ابسط الماهية
شغال زي مجان
شغال دبل وردية   ,,,  شغال غسيل ارضية
لكنو زول جدعان  ,,,,    وحياتو تب اصلية
احسن كتير من ميكي ناس ووب وياي واحيا
استغفر الله منك  ,,,,,,,  واشكالك الوهمية
ياخ حسوا بي بلدنا ,,,,,   او حسوا بالبلية
ارجلوا واخشوشنو ,,,,,,, مسؤول ومسؤولية
ناس تجتهد تعمر  ,,,,, ناس ناقصة تش وكيا

عافي ليك

انا عافي ليك
كل ما الوصال البينا طال
بيهوون عليك
انا عافي ليك
رغم الحواصل و الصراع
والبينا يتهشتك ضياع
بيجينا يوم بنموووت وعيك
وتظل حياتنا كذكريات
مرسومة  لليوم البيات
محسوبة كلها دون شتات
وانا كل خير جد فاكرو ليك
وانا ما بنادي علي الرجوع
انا بس مسامح وعافي ليك
انا عااافي ليك

لم انجح بعد !

لم انجح فيك بعد
مع انو النجاح من زيرو
لم انجع فيك لحد
عشعش فشلنا طويرو

4 شهور

اربع شهور انا انتظر

وارسم حياتي علي الهجر

اربع شهور انا أحتمل
فرقة قلوب انواره عالية بتنتشر

يااا دفعه يااا غالين خلاص
كيفن بعادكم أصطبر

وانتو الحياة العشتها
وانتو النبض وانتو الفكر

طوقني تب ألم الحنين
وأنا ياخ ليكم مفتقر

أيامي حالت للأسي 
واوقاتي كلها منقهر

بس داير اقول ياناس سماح
ولي كل زول انا بعتذر

.
.
ولو مااا قدرته علي البعاد
طوااالي بمشي وبنتحرر  :-/

قَالَ فَاهْبِطْ مِنْهَا فَمَا يَكُونُ لَكَ أَنْ تَتَكَبَّرَ فِيهَا فَاخْرُجْ إِنَّكَ مِنَ الصَّاغِرِينَ (13) الاعراف

قَالَ فَاهْبِطْ مِنْهَا فَمَا يَكُونُ لَكَ أَنْ تَتَكَبَّرَ فِيهَا فَاخْرُجْ إِنَّكَ مِنَ الصَّاغِرِينَ

يَقُول تَعَالَى مُخَاطِبًا لِإِبْلِيس بِأَمْرٍ قَدَرِيّ كَوْنِيّ " فَاهْبِطْ مِنْهَا " أَيْ بِسَبَبِ عِصْيَانك لِأَمْرِي وَخُرُوجك عَنْ طَاعَتِي فَمَا يَكُون لَك أَنْ تَتَكَبَّر فِيهَا

 قَالَ كَثِير مِنْ الْمُفَسِّرِينَ الضَّمِير عَائِد إِلَى #الْجَنَّة وَيَحْتَمِل أَنْ يَكُون عَائِدًا إِلَى #الْمَنْزِلَة الَّتِي هُوَ فِيهَا فِي الْمَلَكُوت الْأَعْلَى

" فَاخْرُجْ إِنَّك مِنْ الصَّاغِرِينَ " أَيْ الذَّلِيلِينَ الْحَقِيرِينَ مُعَامَلَة لَهُ بِنَقِيضِ قَصْده وَمُكَافَأَة لِمُرَادِهِ بِضِدِّهِ فَعِنْد ذَلِكَ اِسْتَدْرَكَ اللَّعِين وَسَأَلَ النَّظِرَة إِلَى يَوْم الدِّين .

المراحل العلمية المحلية الاثنا عشر

المراحل التعليمية المحلية عبارة عن اطناشر مرحلة بتتدرج من 12 لغاية تصل للـ 1   "اعلي مرحلة"

         i.            في البدء بتجي المرحلة ال (12) او بمسما مرحلة الام
هنا التعليم بيكون امي اي عن طريق الام وغالبا بيكون ف بداية الحياة من شهور الي 3 سنوات وقد تزيد الفترة

       ii.            مرحلة الحضانة (11)

a.       هنا الواحد بيكون عمرو صغير في مدي ما بين 3 الي 5 سنوات  في المرحلة دي بيبدا الاحتكاك العلمي للمتعلم  مع بيئة المدرسة وهي مرحلة فاصلة ما بين التعليم المنزلي والتعليم المنهجي بيكون الطفل عايم فيها ما بين الشطين

      iii.            الروضة (10)

a.       هنا بيبدا المتعلم يخش في دوامة التعليم وبيبدا يتهيأ للدراسة المنهجية وكل تفاصيل الرياض المعروفة وغالبا الاعمار بتكون ما بين 4 الي 6 سنوات مع الاختلاف البيئي والجغرافي

     iv.            مرحلة الاساس (9)

a.       اها هنا المرحلة دي مصنع حقيقي للخامة العلمية وفيها بيتعلم الطالب الاخلاق والتعلم الاكاديمي  وبناء وصقل الموهبة وغيرها وغالبا طريقة التعليم تكون عن طريق التلقين وتتكون هذه المرحلة من ثمانية فصول دراسية عند الاغلبية ويكون المدي العمري للطالب ما بين 5 الي 15 سنة مع الاختلاف البيئي والجغرافي

       v.            الثانوية (8)

     vi.            مرحلة النضج والاختيار والاعتماد علي النفس وبناء المواهب وخوض التحديات والمسؤولية وغيره , وهي من اخطر المراحل حيث ان المتعلم يمر بالكثير من التغيرات التي تمثل له في شكل تحدي اضافي , وفي هذه المرحلة تكون الاعمار للمتعلم       ما بين 13 الي 18 سنة وفي ثلاث سنوات

    vii.            مرحلة الدبلوم الجامعي (7)

a.       هي مرحلة يمر بها غالبية الطلاب الحرفيين او الطلاب الذين يفكرون بكسب الوقت وغيره من الاسباب وهي مرحلة تعد المتعلم مهنيا و تتكون من 3 سنوات واعمار المتعلم تتراوح ما بين 16 الي 23 سنة

  viii.            مرحلة البكالاريوس الجامعي (6)

a.       هي المرحلة الجامعية او المرحلة الطبيعية للاغلبية من الطلاب الاكاديميين وهي في الاغلب تتكون من 4 سنوات وهي اعداد للمتعلم لمواجه السوق والحياة والعالم الاجتماعي وغيره

     ix.            مرتبة الشرف (5)

a.       هي المرحلة التي يدرس فيها الطالب خمس سنوات ليكون مؤهلا لخوض معارك الحياة ومواجهة الحياة خارج اطار الجامعة

       x.            الدبلوم العالي (4)

a.       اغلبية طلاب هذه المرحلة حاولوا ان ياخذوا شهادة الماجستير وفشلوا في ذلك وغيره

     xi.            الماجستير (3)

a.       في هذه المرحلة ياخذ المتعلم تخصص معينا ويذهب في طريقه و يمكن للمتعلم تدريس كل المراحل السابقة اذا قام بالنجاح بها وتكون له فرص عمل افضل من اقرانه بالمراحل السابقة وهكذا

    xii.            الدكتوراة (2)

a.       هي المرحلة التي يتخصص فيها المتعلم في مسار معين ويكون دكتورا به وهي من اعظم وارفع المراحل وفرص الحصول عليها ضئيله الي حد ما

  xiii.            الاستاذية (1)

a.       البروفيسرات وافعالهم واوراقهم العلمية ومقالاتهم وعلومهم و .......

b.      وهنا انتهي الحديث مع التقسيمه الاثنا عشرية للمراحل التعليمية المحلية  ......................

شبر شك

بيزاورك شك انا ما بهواك

بيناورك ظن غيرك مفتون

يا زول اطمن ماااا بهواك

انا بعشق جنك وبيو مسكون

.......

بتحصن  واتعوذ منو

بيزيد البي!هو الجن مجنون ؟

......

اتحلحل منك يوماتي ... ,

بتشربك فيك زي الملعون

اتقاوي وارجع لي طبعي

القاهو مريضك لي بيخون

....

قول ليا اقبل منها وين

شوف ليا علاج امكن معيون !

..

تستعمر ف القلب الواهن

بي جيشه الغاير والمغبون

وتسيطر علي كل الاشجان

لو عادله تعالي براك ألون

...

نتفاوض نقعد في الواسعة ؟

لو جد متفهم , ليا حنون

..

امكن بي هدنة نهدي البال
بي راي نرميهو يكون موزون

ولو سدت درب الريده كرامة

ما ظنيت انو ضرورة تصون ؟

........

بتقول كمان انا ما بهواك

بتقول هواك بالغيرمقرون

يا زوله خلاص انا ما بهواك

خليهو ال بينا يكون مكنون.