نقط سود في المصانع في السودان

المصانع في السودان نقطة ملونة
بيقلب عليها اللون الاسود
بنجد في مشاكل كتيرة في التصنيع في السودان
منها
* موضوع الجودة " غالبية المصانع ما بتدي الحتة دي حقها "
بتخش المصنع بتلقي المكان جايط جايط بمعني الكلمة
ف الغالبية بتركز علي الانتاج
واقرب دليل لقينا في اخبار الصحف قبل شهر ونيف انو
اتقفلت حوالي ما يزيد عن 30 مصنع للمياة المعبأة
وطوالي الحتة دي نقطة سودا الا القيليل من المصانع
*الامان
معظم المصانع ما بتأمن العامل خاصة في موضوع اللبس والماسك والسيفتي الخ ..
بحجة انو العامل لو صرف الحاجات دي حيزوغ ويخسر المصنع
فبنلقي في مشاكل في الحتة دي كتيرة ودي نقطة سوداء
*الاجور
ودي حاجة مؤلمة جدا حيث انو بنلقي عامل شغال 8 سا عات واكتر والاجر بتاعوا 30 ج في اليوم
بمعدل 3.75 جنيه في الساعة ودي حاجة بشوفه سبب من اسباب العطالة
لانو العامل بشوف راحتو اهم من ال 30 البياخده بعد 8 ساعات متواصلة وتعب وارهاق
وكتير من المشاكل في الحتة دي
*وغيره من النقط السود والمشاكل
ويا ريت ادارة المصانع تنتبه للحاجات دي .
علي شان نطور الصناعة في البلد دي