ايقاف الحرب في السودان

لو عاوز اطفي نار ما بسال النار دي قامت كيف وسببه شنو ؟ لانو مسافة نلقا الاجابة النار حتكون حرقت الاخضر واليابس والنار بذات اي دقيقة بتقعده بتزيد اضعاف ولا بقيف جمبها او اصنقر واقول ليها موتي موتي انت يا نار ما كويسه موتي عشان انت كعبة وحتحرقي الحتة الانت فيها وحتضريني والحواليني وات ايقر ده كلو ما بحل مشكلة المفروض ابدا بخطوات عملية واطلب مساعده من الجميع واتخذ خطوا ت جادات مثلا اوقف المكونات البتساعد في انتشاره زي الويقود والبترول بعدها بوقف العامل البساعد في استمراره زي الاكسجين والتهوية اوممكن في خطوة اخيرة اضيف المواد البتخمده ولو ما اضفته مواد براها بتموت ولو بعد حين وانا ما قصدي النار الكلام دا لي كل سوداني ما عايز الحرب ولي معسكر السلام ربنا يزيل البلاء